برحب بيكم من ولاية نيوجيرسى
هكلمكم النهاردة عن ازاى تطلع رخصة القيادة فى ولاية نيوجيرسى
أول حاجة هيكون معاك باسبورك و عليه الفيزا
كمان السوشيال سيكيورتى نمبر اللى هتستلمه فى خلال 5 الى 7 ايام من تاريخ وصولك
و جواب من البنك او جهة حكومية و يكون عليه تاريخ على عنوانك فى امريكا اللى هيكون على الرخصة
و اخر حاجة فيزا من البنك اللى هتفتح فيه حساب هنا و يكون محفور عليها اسمك و انت ماضى عليها من ورا
لو معاك رخصة مصرية او رخصة دوليه الترجمة ده هيعفيك من اختبار الطريق بنسبه 70% تقريبا و القرار بيرجعلهم فى ده
و الرسوم الخاصة بالرخصةهى عشرة دولار
الرخصة بتطلع ب 3 اختبارات :
1- نظر
2- اشارات و قوانين و ده عبارة عن 50 سؤال على الكومبيوتر محتاج تعدى 40 منهم و الا تسقط ( متقلقش معايا الاسئلة :D )
3-اختبار عملى (طريق) و زى ما قلنا فى ولاية نيوجيرسى الرخصة المصرية ممكن تريحك من الامتحان ده
انا جمعتلكم لينك فيه جميع الاسئلة الخاصة بامتحان القوانين و الاشارات بس نصيحة منى هتنزل المانيوال بتاع ولاية نيوجيرسى و هتقرأ بس الاشارات حوالى 3 صفحات و الجزء اللى فى اول الكتاب الخاص بانواع الرخص
ده اللى انا عملته امبارح و الحمد لله عديت من الامتحان و نجحت
و ده لينك الاسئلة اللى مش هتخرج عنها
