صوره.....توزيع جديد

صوره ..صوره... صوره


كلنا خايفين م الصوره


صوره للشعب المقهور تحت الرايه المكسوره

مع الاعتذار لعبد الحليم

الملك شرب الشاى بالياسمين

فى الاول مصدقتش
حاولت ابعد الفكره عن دماغى
الشك بدا يستهلكنى نفسيا
قررت احسم الامر و نزلت الحفله من ع النت
حفله احياها منير ع شرف الرئيس
فى حضره العسكر
امبارح غنى منير "كل العسكر حرميه"
و النهارده بيغنى للعسكر و رئيس العسكر


بدا المأتم قصدى الحفل فى حضور الريس و نظيف و
المشير وصفوت الشريف

الحفل بمناسبه الاحتفاء بالقوات الجويه
ع اساس ان اول ضربه جويه فتحت باب المنور



اكتر حاجه اثرت فيا ان منير كان عامل زى مضحك السلطان

يستأذن من الريس قبل ان بنتقى الاغنيه القادمه


لا يناديه الا بفخامه الرئيس


و فى النهايه راح للريس يقبل كتفيه


مبروك عليك يا منير الريس بس للاسف انت خسرت جمهورك


و خسرت نفسك





رابط تحميل الحفله : هنا

تبرعوا بالدم لعديمى الدم

لن اسالك ما شعورك اذا امسكت ممرضه سمينه ذراعك لترشق ابره فى وريدك الطرفى و تتفنن فى اصابتك بالام لانه ببساطه هذا ما حدث لى تقريبا
و لن احدثك عن تلك الممرضه المنقبه التى تجلس امام عربه التبرع بالدم كمان لو انها تجلس امام عربه فول مدمس
او عن ذلك الممرض الذى اعطاه الله وفره فى كل شىء فقط ليسد الطريق على الناس عشان يتبرعوا بالدم و لسان حاله عليا الطلاق لتتبرع و مش حتعدى الا على جثتى

معركه النصر و الخيانه و البطل المفقود

معلهش يا جماعه الموضوع النهارده حيكون عسكرى شويه
يعنى عاوزك تفتح دماغك شويه معايا و انا ححاول ابسط الموضوع
عاوز اوضح شويه حقائق عشان نبقى متفقين
اولا حد عارف صاحب الصوره دى ؟؟
طب يا سيدى ده هو صاحب العبور فى حرب التحرير 1973 الفريق سعد الشاذلى
مواليد الغربيه و ده شرف ليا طبعا تحديدا شيرا تنا بسيون
تولى رئاسه اركان القوات المسلحه المصريه _و هو اعلى منصب عسكرى فعلى_ فى 17 مايو 1971 قام باعداد خطه العبور التى نجحت نجاح منقطع النظير
ــــــــــــــــــــــــــــــ
دلوقتى عرفنا سعد الشاذلى خلاص كل اللى محتاجينه دلوقتى حكايه
ـــــــــــــــــــــــــــــ
بعد النكسه كانت هناك بعض التصورات لم تكن ترتقى لمسمى خطه عسكريه بالمعنى المفهوم حتى تولى الشاذلى رئاسه الاركان وبدا الصراع ضد الزمن لانجاز الخطه
كان التصور هو القيام بعمليه العبور فقط يعنى مجرد عبور القناه و عدم التوغل فى شرق القناه داخل سيناء لان الطائرات المصريه لم تكن تستطيع التحليق اكثر من 12 كيلو شرق القناه لان الغطاء الذى كان يوفره الصواريخ المصريه المضاده للطائرات هو 12 كيلو فقط شرق القناه
المهم خليك فاكر ان الخطه الاساسيه هى العبور و ليس التوغل و تطوير القتال داخل القناه
بدات المعركه يوم السادس من اكتوبر بضرب خط بارليف بالمدفعيه لتفجيرالالغام الموجوده فيه ثم بعبور خمس فرق مشاه (30000) فرد مقاتل للضفه الشرقيه و بدات الطلمبات و المضخات فى عمل ثغرات فى الساتر الترابى _اعذرونى انى باختصر _ثم بدات تنساب المدرعات على الكبارى التى تم انشائها و بالتالى نجح العبور و نجح عبور المشاه و المدرعات شرق القناه
ـــــــــــــــــــــــــــــ
الثغره:
زى ما قلت فى الاول ان القوات المصريه لم تكن تستطيع التحرك الا فى حدود 12 كيلو باتجاه شرق القناه لعدم توفر غطاء جوى _طائرات_ تستطيع التحليق ابعد من هذه المسافه لانها بكل بساطه حتنضرب عشان مجال الصواريخ المصريه المضاده للطائرات اخره 12 كيلو ..خلاص حفظناها

طب ايه موضوع الثغره ده اللى مش فاهمينه؟
طيب.. بعد العبور المتوقع ان الجيش الاسرائيلى انه عمل تعبئه و حيقوم بالضربه المضاده و ده طبيعى
و ده اللى حصل ..لكن استطاعت القوات المصريه صد الهجوم و تكلف العدو خسائر بشعه فى المدرعات لكن استطاع انه يكتشف مكان لا توجد فيه قوات مصريه _ بين الجيش الثانى الميدانى و الجيش الثالث الميدانى المصرى_ وهى ثغره الدرسفوار ع العموم مش دى المشكله
لان الطبيعى انه يلاقى ثغره بس اللى مش طبيعى انك تسيبه يخش فيها دون مواجهه
يوم 13 اكتوبر قام الخائن السادات باصدار قرار تطوير القتال _يعنى التوغل فى سيناء_ و امر احمد اسماعيل وزير الحربيه فى الوقت ده باعلام الشاذلى بالامر ده فرفض الشاذلى الكلام ده لان اى قوات حتخرج اكتر من 12 كيلو شرق القناه حتنضرب بالطيران الاسرائيلى لاننا مش عندنا غطاء جوى
بعد رفض الشاذلى قام السادات بالذهاب الى الشاذلى لاعلامه ان قرار تطوير القتال امر و نابع منه و عليه تنفيذه
و تم تطوير القتال..............
و كانت المحصله الاوليه انه تم تدمير 260 دبابه مصريه نتيجه تدخل رجل سياسى مثل السادات فى الامور العسكريه (رجل خائن)
نرجع للوضع فى الثغره
و هناك خريطه للوضع يوم 16 اكتوبر
كانت خطه الشاذلى باختصار هى قيام الفرقه 21 مدرع و الفرقه 4 مدرع بصد الهجوم و طبعا كانت فرقه و احده كفيله بتدمير الثلاث الويه
تدخل السادات مره ثانيه فيما لا يعنيه و رفض الخطه
و استمرت القوات الاسرائيليه تتقدم من خلال الثعره حتى تحولت الثغره الى "هوه" تتدفق منها القوات الاسرائيليه الى ان اصبحت القوات الاسرائيليه
3 فرق احداهما بقياد شارون و الثانيه بقياده برن
اصبح عدد المدرعات الاسرائيليه بفضل تهاون
و تواطؤ السادات ثلاثه اضعاف المدرعات للقوات
المصريه الموجوده فى الثغره















ــــــــــــــــــــــــــــــــــ
استمرت القوات الاسرائيليه تنساب من الثغره الى ان استطاعت تطويق الجيش الثالث الميدانى كما بالخريطه
تم قطع الامدادات _الاكل _عن الجيش الثالث الميدانى
انقلبت الايه بفضل السادات و بعد ان كانت اسرائيل هو من تنادى بنهايه الحرب اصبحنا نحن من نعوى بنهايه الحرب انقاذا للجيش الثالث الميدانى_تقريبا نصف الجيش المصرى_من الاستسلام












ــــــــــــــــــــــــــــــــ

ملاحظات
1-فى خطبه السادات بمجلس الشعب لم يدعو احدا من القاده الذين حاربوا مثل الفريق سعد الشاذلى قائد القوات المسلحه المصريه او سعد مامون قائد الجيش الثانى (حتى نجاح العبور) او عبد المنعم واصل قائد الجيش الثالث لانهم يعرفون الحقيقه و هى اننا و ان عبرنا فى البدايه فاننا انهزمنا بحصار الجيش الثالث بسبب غبائه
2-ادعى البعض ان قائد الجيش الثانى رفض القتال لكن الحقيقه انه ابلغ الشاذلى انه يرفض قرار تطوير القتال الغبى الذى اصدره السادات و كان نتيجته تدمير 260 دبابه مصريه فى يوم واحد
3-منصب "القائد العام للقوات المسلحه"منصب اخترعه السادات و عين نفسه فيه و من خلاله بدا يتدخل فى القوات المسلحه
4-يشيع بين الناس نيجه الاعلام المزيف للحقائق ان القوات الجويه كان لها دور كبير فى المعركه لكن الحقيقه انها كانت مشلوله الحركه بحيث لا تستطيع التحرك اكثر من 12 كيلو شرق القناه
5-حسنى مبارك لم يخرج بطائره مقاتله واحده بنفسه فى الحرب لانه كن مجرد واحد بيدرب الطيارين فى الكليه الحريبه
6-فى عهد السادات جعل الاعلام السادات فى رجل الحرب الاول و الاخير و فى عهد مبارك اصبحت الضربه الجويه هى المفتاح للنصر لكن الحقيقه هى ان اصحاب الفضل هم الجنود الذين ماتوا او استشهدوا بقياده سعد الشاذلى و من تحته من قيادات لتحرير الارض من دنس اليهود
7-قام السادات بتعيين احمد اسماعيل وزير للحربيه رغم علمه باصابته بالسرطان و رغم عمله لخلافه مع الشاذلى و بالتالى انتهج اسلوب فرق تسد فى الجيش المصرى حتى تكون للسادات الكلمه العليا له
8-فيلم ايام السادات يشكل تزيف كامل للحقائق لان الحقيقه انها كانت ايام سودا
9-الفيديوهات التى تعرض فى التلفيزيون عن الحرب و عن الجنود و الدبابات ليست حقيقيه و لم تكن لحظه الحرب لانه لم يكن هناك مصور او مخرج على الجبهه و ذلك باعتراف من الفريق سعد الشاذلى