طب يا فاشل يا فاشل...يا فاشل يا فاشل يا فاشل

مش عارف ليه حسنى مبارك مش مصدق انه فى يوم حيجى و يموت فيه!
لما الخبر انتشر ان حسنى غايب بقاله فتره و باين عليه مات قام عمنا ابراهيم عيسى
بتاع الدستور نشر انه يا جماعه فى ناس بتقول ان حسنى مات
لكن ازاى!
ازاى حسنى يموت!
مش مصدق اننا بعد العشره دى كلها اننا نصدق انه ممكن يموت !
الرئيس المعين زورا حسنى مبارك انا بقولهالك :
فيه يوم حيجى عليك و عزرائيل حياخد روحك و تقف امام من خلقك ليحاسبك
طبعا انا متخيلك دلوقتى من وقع الخبر عليك
دا السادات اتخطف من جنبك ع المنصه و انت برده مش مصدق
سياده الرئيس المعين
"و انك ميت و انهم ميتون"
اسمع الاغنيه دى عشان تفرفش كده بدل الغم اللى انت قريته ده

حتى انت يا بروتس!!

يبدو انه لا يوجد احد فوق مستوى الشبهات حتى القضاه اللى رفعنا من قدرهم و اعتقدنا انهم املنا الوحيد للخلاص .
اصدرت محكمة استئناف القاهرة اليوم حكمها المعيب و المنفر بسجن الكاتب الصحفى و رئيس تحرير جريده الدستور بالسجن لمده شهرين واجبه النفاذ بتهمه اطلاق الشائعات على الرئيس المعين حسنى مبارك .
لست ناقما على حسنى مبارك بقدر انى ناقم على القاضى الذى اصدر الحكم بالسجن و يحضرنى فى هذه اللحظه الف مشهد بدايه من القاضى المصرى قاضى محكمه دنشوانى ابراهيم هلباوى حتى قاضى العباره الذى اصدر الحكم ببرائه ممدوح عباس
الان فقط اصبحت عباره "لا تعليق على حكم القضاء" مسخره .
عندما قام القضاه بالنزول الى الشارع رفضوا انضمام اى جماعه او فئه للوقفه الاحتجايه بداعى ان الامر شان داخلى ,لكن الان الامر اختلف
فاما ان تنالوا استقلالكم و تنالوا شرعيه اصدار الاحكام و اما ان تتوقفوا الذهاب الى المحاكم و الاكتفاء بمشاهده مسلسلات رمضان و تحكيم ماتشات الكوره .

كلاكيت خمستاشر مره...... عوده الدراسه

اخير و بعد اشتياق كبير.... بدا العام الدراسى الجديد بحلاوته و غباوته فى نفس الوقت
و الله وحشتنى الكليه و العكاريط اصحابى -ع راى الصحاف_ و سلامى لكل اعضاء كوبرى الجامعه

اذهبوا للجحيم يرحمكم الله

يبدو ان من سموا انفسهم شيوخ الاسلام لا يملوا من اهانه الاسلام بغبائهم المقصود-ايوه المقصود_ خد عندك مثلا
واحد مش عارف اسمه "صالح الفوزان "مش عارف منصبه ايه فى لجان الفتوى السعوديه يصدر فتوى كريهه الرائحه بجواز قتل اصحاب الفضائيات اللى بتعرض مش عارف ايه,
مش غريب انه بكره يصدر فتوى بقتل المدونين اللى مش على مزاجه او مزاج رؤساءه اصحاب البتاع ده اللى اسمه الفخامه و السمو.
اللى غايظنى فى الحوار بحاله انى مثلا عمرى ما سمعت ان شيخ حلل دم واحد زى ممدوح اسماعيل بتاع العباره ولا مش عارف مين بتاع الحديد و لا الناس دى
الاقى كل واحد فيهم عاوز يتصيت يضربله كلمتين على قناه و لا جرنال و يعملك ضجه و بعديها تلاقي الفضائيات استلمته و تلاقيه مقدم برنامج فى الفضائيه الفلانيه
بصراحه الواحد اتخنق من الناس دى
الموضوع زاد عن حده و بقت حاجه تقرف

اعتذار واجب

احب فى بدايه تدويناتى الجديده انى اعتذر للناس اللى كانت متابعه مدونتى فى البدايه قبل تغيير اسمها و ازاله كل البوستات اللى كنت كتبتها
انا متاكد ان البوست ده مش حيوصلكوا بس على اى حال انا بسجل موقف امام نفسى على الاقل
سلام